LP014: Dito lang
Magandang Huwebes, este Biyernes na pala, muli mga ka-litratista! Oras na naman para sa Litratong Pinoy.
May isang mahalagang bagay akong natutunan mula sa aking misis noong isang gabi. Nasa bahay kami ng isang kaibigan para sa isang pagtitipon at nabanggit niya ang isang simple ngunit mahalagang bagay na marahil hindi natin napag-iisipan o napapansin. Sabi nya, mahalaga raw sa isang pamilya ang magkaroon ng isang lugar sa bahay kung saan maari silang makapagtipon at makapag-usap. Makapag-bonding ika nga. Yung iba kasi, sa kanya-kanyang kwarto na lang namamalagi, palibhasa may kanya-kanyang TV at computer. Pero sa ibang pamilya, itong “special place” na ito ay ang sala. Sa iba naman, ang kusina o ang hapag-kainan. Pero para sa amin, dito lang sa labas ng bahay ng aking biyenan, sa may bandang hardin, ay “solve” na kami. Walang TV o computer. Puro kwentuhan, kalokohan, at katatawanan.
Ilang mga pagdiriwang na rin ang nangyari rito. Hindi ko alam sa iba, pero para sa amin, mas masaya kung dito lang ginaganap ang mga handaan. Hindi mo kailangang magbihis ng maganda, hindi mo kailangang magmadali sa pagkain at pakikipag-kwentuhan sa mga bisita, at higit sa lahat pwede kang kumain ng masasarap na pagkain ng paulit-ulit. 
At dahil nga dito lang ginaganap ang mga pagdiriwang at salo-salo, pwede ka na ring maligo kahit anong oras mo gustohin, may pool naman kasi kami.
Ito ang aking mga lahok para sa linggong ito ng Litratong Pinoy na may tema na Dito lang. Tayo na at tignan ang iba pang mga lahok ng mga partisipante dito.
ganda naman ng hardin nyo at ang luwag…
parang ang sarap umupo dun sa bench at magmuni-muni!
Thanks for dropping by at my blog :8
!
Great blog I really love your theme
tama si misis mo. Dapat may ganyan. Pag nagka bahay na ko gusto ko may hardin….para maimbintahan ko kayo pag may handaan hehehe!!!
Happy LP
I love the garden. Sarap matulog diyan
magandang ideya yan, kami ay sa kusina o sala, nagtitipon-tipon. Pero, kung mas maganda sana kung may hardin kami na gaya sa inyo. mas masaya.
oo nga dapat lang merong place talaga na ganyan. sa amin cherish ko ang memories with my parents and siblings sa mga tipon-tipon na yan, gabi2. salamat sa dalaw
That’s a good idea na magkaroon ng bonding place, mukhang preskong matulog sa garden, nice shots
an2nette´s last blog ..LP- Dito Lang (Only Here)
sarap maligo sa pool! pero hindi na ko kakasya dyan…hehe :beurk:
fortuitous faery´s last blog ..The Lion, The Shield and The Post Office
hahaha…. ang cute nung nasa pool at ang pool.
nakakatuwa ang iyong lahok… tama, masyadong mabilis na ang buhay ngayon parang wala nang nag-uusap dahil puro nakagadget na halos lahat – psp, ds, ipod… kailangang bumalik sa simpleng chika chika bonding moments
hapi lp!
teys´s last blog ..Farrah Fawcett and Michael Jackson dead
Ang lawak ng hardin, masarap ngang tumambay dyan!!
buti pa sya nagkasya..isang binti ko lang yata kakasya dyan haha…ay pwedeng pang foot spa! lol
Natawa ako sa pool mo
happy Monday! (tsuri na leyt ng dalaw, kapatid)
Thess´s last blog ..Dito lang, sa bintana ko. (LP 63)
mukha ngang ang sarap mag-muni-muni sa “paborito mong espasyo”. presko. at inggit ako, may pool pala kayo – dilaw pa!
Peachkins: Kaya nga naging favorite namin ito.
KG, Snow at An2nette: At kumakain rin
Ada at Carnation: Salamat rin sa bisita!
Jeanny: Oy! Oy! Oy! Hihintayin ko yang pramis mo! Pag nagka bahayn rin kami invite namin kayo!
Marites: Kahit saan basta sama sama, ok na rin yun.
Fortuitous faery, Dong ho, Thess at Bem: Balang araw magkakaroon din ng pool dyan para sa amin!
Teys: Sakto! Maligayang araw rin sa iyo!
hi rico! thanks for joining my contest
parang ang presko sa hardin nyo 
btw, can you email me your postal mailing address and shirt size? my email is gandarynako (at) yahoo (dot) com
Add A Comment